Horizons News ရဲ့ ည ၈ နာရီ သတင်းစဉ် (၁၄ အောက်တိုဘာလ ၂၀၂၆) ဒီကနေ့ ညပိုင်း တင်ဆက်ပေးမယ့် အရေးကြီး သတင်းခေါင်းစဉ်များ - •ကိုးကန့် ဝေမိသားစုခေါင်းဆောင် ဝေစန်း အပါအဝင် ၃ ဦးကို တရုတ်တရားရုံး သေဒဏ်ချမှတ် •ရွှေကုက္ကိုလ် ကျားဖြန့် အဆောက်အအုံများ ဖျက်ဆီးနေချိန် ထွက်ပြေးလာသည့် နိုင်ငံခြားသား ၂၁ ဦး ထိုင်းနယ်စပ်၌ တွေ့ရှိ •ဘီးလင်း အလူးကြီးကျေးရွာကို စစ်ကောင်စီ ဂျက်ဖိုက်တာဖြင့် ဗုံးကြဲ၍ အရပ်သား ၅ ဦး သေဆုံး •ပြည်ပရောက် မြန်မာသတင်းဌာန ၅ ခုကို အင်တာပိုလ်မှတစ်ဆင့် ဖမ်းဆီးရန် စစ်ကောင်စီ ကြိုးပမ်းမှုအပေါ် IFJ ရှုတ်ချ •အလုပ်သမား အခွင့်အရေး ချိုးဖောက်မှုများ မဖြေရှင်းနိုင်သေးဘဲ အထည်ချုပ်လုပ်ငန်း အခက်အခဲ ဆွေးနွေးမည်ဟု စစ်ကောင်စီ အလုပ်သမားဝန်ကြီး ပြော •ဟင်္သာတ ကမ်းနားကြီးရှိ ပြည့်စုံဖြိုး ဆန်စပါးပွဲရုံ မီးလောင်မှု ဖြစ်ပွား •ဂျပန်အခြေစိုက် ရခိုင်အသင်းက ကျောက်တော်နှင့် ပုဏ္ဏားကျွန်း လေကြောင်းတိုက်ခိုက်ခံရသူများအတွက် ကျပ်သိန်း ၇၀၀ လှူဒါန်း •ထိုင်းနိုင်ငံတစ်ဝန်း အထူးစစ်ဆင်ရေးဖြင့် အွန်လိုင်းငွေလိမ်ဂိုဏ်းများကို ဖြိုခွင်းရာ မြန်မာတစ်ဦး အပါအဝင် ၃၉ ဦး ဖမ်းမိ •ဘန်ကောက်တွင် ညလုံးပေါက် ပန်းရောင်းခိုင်းခံရသည့် မြန်မာကလေးငယ် ၆ ဦးကို ကယ်ဆယ်နိုင်ခဲ့ •အကျဉ်းသားများကို မူးယစ်ဆေး ရောင်းပေးသည့် တပ်ဖွဲ့ဝင် ၅ ဦးကို UWSA က ထောင်ဒဏ်များ ချမှတ် •မီဇိုရမ်ပြည်နယ် လောင်တလိုင်တွင် မြန်မာဘက်သို့ တရားမဝင် တင်ပို့မည့် တာတာယာဉ် ၁၀ စီး ဖမ်းမိ •အမေရိကန် သက်တမ်းဝက် ရွေးကောက်ပွဲတွင် ရီပက်ဘလီကင်ပါတီ အနိုင်ရရေး အီလွန်မတ်စ် ဒေါ်လာ သန်းရာချီ လှူဒါန်း •ရေနံဈေး တိုးမြှင့်ရန် ဟူသီအဖွဲ့ ကြိုးပမ်းနေဟု ဒေါ်နယ်ထရမ့် စွပ်စွဲ •အီရန်က စစ်ရေးပစ်မှတ်များကို ဦးတည်တိုက်ခိုက်ရန် ပြောင်းလဲလာဟု ဗြိတိန် ထောက်လှမ်းရေး MI5 အကြီးအကဲ သတိပေး •ချန်ပီယံလိဂ်ပွဲစဉ်တွင် မန်ယူအသင်း အက်သလက်တီကိုကို ၂-၀ ဖြင့် ရှုံးနိမ့်ပြီး ၅ ပွဲဆက် နိုင်ပွဲပျောက်ဆုံး သတင်းကြေညာသူ - နော်မူးထာ သတင်းအပြည့်အစုံကို ဗီဒီယိုတွင် ဝင်ရောက်ကြည့်ရှုနိုင်ပါတယ်။ ဒီဗီဒီယိုလေးကို Like & Share လုပ်ပြီး အများသိအောင် ကူညီပေးကြပါဦးရှင်။ နေ့စဉ် ထူးခြားတဲ့ သတင်းအချက်အလက်တွေအတွက် Horizons News Page ကို Follow လုပ်ထားပေးဖို့ ဖိတ်ခေါ်ပါတယ်။ #HorizonsNews #ည၈နာရီသတင်း #MyanmarNews #NewsUpdate #Horizons

Horizons News ရဲ့ ည ၈ နာရီ သတင်းစဉ် (၁၃ အောက်တိုဘာလ ၂၀၂၆) ဒီကနေ့ ညပိုင်း တင်ဆက်ပေးမယ့် အရေးကြီး သတင်းခေါင်းစဉ်များ - အမ်းမြို့နယ်ရှိ တရုတ်ဓာတ်ငွေ့ပိုက်လိုင်းစက်ရုံ ဝန်ထမ်းများ စီးနင်းလာသည့်ကားကို စစ်တပ်က ဂျက်ဖိုက်တာဖြင့် ဗုံးကြဲတိုက်ခိုက် မင်းတုန်း မဲဇလီကျေးရွာကို ပါရာမော်တာဖြင့် ဗုံးကြဲ၍ အရပ်သားတစ်ဦး သေဆုံး ဂျက်ဖိုက်တာ ၄ စီးနှင့် တိုက်ခိုက်ရေးရဟတ်ယာဉ် ကာဗာယူပြီး ကျောက်ထု အမြောက်တပ်သို့ စစ်ရဟတ်ယာဉ် ဆင်းသက် စစ်ကောင်စီတပ်သားများကို အခန်းတွင်းအထိ ထိုးဖောက်တိုက်ခိုက်သည့် FPV ဒရုန်း စစ်ဆင်ရေးရုပ်သံ ထွက်ပေါ် ချင်းပြည်နယ်တွင် ဖမ်းမိသည့် စစ်သုံ့ပန်း ၁၇ ဦးအနက် ၁၆ ဦးမှာ စစ်မှုထမ်း တပ်သားသစ်များဖြစ် မင်းတပ်မြို့ ခရစ်ယာန်ဘုရားကျောင်းအား ပေါင် ၅၀၀ ဗုံးကြဲမှုကို စစ်ရာဇဝတ်မှုအဖြစ် သတ်မှတ်ရန် BRI တိုက်တွန်း မြန်မာဒုက္ခသည် အကျပ်အတည်း ကြီးထွားလာပြီး လူပေါင်း ၄ သန်းကျော် နေရပ်စွန့်ခွာနေရဟု သံအမတ်ကြီး ဦးကျော်မိုးထွန်း ပြော IPU ညီလာခံတွင် မြန်မာကိုယ်စားလှယ်အဖွဲ့က ၉ နိုင်ငံမှ လွှတ်တော်ကိုယ်စားလှယ်များနှင့် တွေ့ဆုံဆွေးနွေး နောင်ချိုတွင် နိုင်ငံရေးပုဒ်မများဖြင့် မတရားဖမ်းဆီး ထောင်ချနေမှုအပေါ် JNPP ရှုတ်ချ မုံရွာတွင် စစ်မှုထမ်းရန် အရွယ်ရောက်သူများ စာရင်းသွင်းရန် ဆင့်ခေါ်စာများ ပေးပို့ ဖိအားပေး စစ်မှုထမ်းပြီး အသက်ရှင်ကျန်ရစ်သူများကို ပြည်ပအလုပ်ပို့မည်ဟု စစ်ကောင်စီ ထုတ်ပြန် ပန်ဆန်းတွင် လူနေတိုက်ခန်း အုတ်နံရံပြိုကျ၍ ကားများ ပျက်စီး စစ်ကိုင်း နှာပေါက်ဂိတ်မှ မူးယစ်ဆေးဝါးများကို စစ်တပ်နှင့် ထွေအုပ်ပိုင်ကားများဖြင့် သယ်ယူနေ ပုဂံမြို့သစ်တွင် မိုးသည်းထန်စွာရွာသွန်းပြီး ရပ်ကွက် ၄ ခု ရေဝင် ဝက်လက် လူထုသပိတ်ကော်မတီက ရေဘေးသင့်ပြည်သူများကို ဆန်၊ ဆီ ထောက်ပံ့ နော်ဝေကြက်ခြေနီ ပံ့ပိုးမှုဖြင့် ဘားအံနှင့် လှိုင်းဘွဲရှိ ထိခိုက်ခံစားရသူများအတွက် ကျပ် ၁၂၈ သန်းကျော် ထောက်ပံ့ မီဇိုရမ်နယ်စပ်တွင် မြန်မာဘက်မှ တင်သွင်းသည့် ရူပီး ၆၃ သိန်းကျော်တန် ကွမ်းသီးခြောက် ၂၁ တန် ဖမ်းမိ တရုတ် ကွေ့ကျိုးတွင် နိုင်ငံခြားသားများကို ပစ်မှတ်ထားသည့် အွန်လိုင်းလိမ်လည်မှုလုပ်ငန်း ဖော်ထုတ်ဖမ်းဆီး ပင်လယ်နက်အတွင်း သင်္ဘောနှစ်စင်း ဒရုန်းဖြင့် တိုက်ခိုက်ခံရပြီး တစ်စင်း နစ်မြုပ် မဟာမိတ်များအပေါ် တိုက်ခိုက်မှု အောင်မြင်မည်မဟုတ်ဟု ရုရှားကို နေတိုးတပ်မှူး သတိပေး ဆော်ဒီ စစ်ရေးလှုပ်ရှားမှုတွင် အမေရိကန် မပါဝင်ရန် ဟူသီအဖွဲ့ သတိပေး အီရန်အား တရုတ်နှင့် ရုရှားတို့ ကူညီနေသည်ဟု မယုံကြည်ကြောင်း ဒေါ်နယ်ထရမ့် ဆို နီပေါတွင် ရေကြီးမှု ထပ်မံဖြစ်ပွား၍ ပြည်ပတောင်တက်သမား ၁၀၀ ကျော် ပိတ်မိ သတင်းကြေညာသူ - နော်မူးထာ သတင်းအပြည့်အစုံကို ဗီဒီယိုတွင် ဝင်ရောက်ကြည့်ရှုနိုင်ပါတယ်။ ဒီဗီဒီယိုလေးကို Like & Share လုပ်ပြီး အများသိအောင် ကူညီပေးကြပါဦးရှင်။ နေ့စဉ် ထူးခြားတဲ့ သတင်းအချက်အလက်တွေအတွက် Horizons News Page ကို Follow လုပ်ထားပေးဖို့ ဖိတ်ခေါ်ပါတယ်။ #HorizonsNews #ည၈နာရီသတင်း #MyanmarNews #NewsUpdate #Horizons

စစ်အုပ်စုတပ်သားများကို အခန်းတွင်းအထိထိုးဖောက်တိုက်ခိုက်သည့် FPVဒရုန်းစစ်ဆင်ရေး အောက်တိုဘာ ၁၃ ၊ Horizons အကြမ်းဖက်စစ်ကောင်စီတပ်ဖွဲ့ဝင်များကို အဆောက်အအုံအတွင်းအထိထိုးဖောက်ဝင်ရောက်တိုက်ခိုက်သည့် FPVဒရုန်းစစ်ဆင်ရေးရုပ်သံမှတ်တမ်းကို Our Voice Our Freedom တော်လှန်ရေးတပ်ဖွဲ့က အောက်တိုဘာ(၁၂)ရက်နေ့တွင်ထုတ်ပြန်ခဲ့သည်။ရုပ်သံတွင်ဒရုန်းသည် အဆောက်အအုံအတွင်းသို့ဝင်ရောက်ကာ လက်နက်ကိုင်ဆောင်ထားသူများရှိရာသို့ချဉ်းကပ်တိုက်ခိုက်ခဲ့သည့် မြင်ကွင်းများပါဝင်သည်။ ရုပ်သံမှတ်တမ်းအရ ဒရုန်းကိုထိန်းချုပ်မောင်းနှင်နေသည့်တော်လှန်ရေးရဲဘော်များ၏အပြန်အလှန်ညွှန်ကြားသံများနှင့်အတူ ဒရုန်းသည်ပစ်မှတ်ရှိရာနေရာသို့ဦးတည်သွားခဲ့ပြီး အဆောက်အအုံတံခါးပေါက်မှတစ်ဆင့် အခန်းအတွင်းအထိဝင်ရောက်ခဲ့သည်။အခန်းဝတွင်လက်နက်ကိုင်ဆောင်ထားသူများကို တွေ့ရှိပြီးနောက် တိုက်ခိုက်မှုဖြစ်ပွားကာရုပ်သံအဆုံးသတ်သွားသည်။ ယခုရုပ်သံသည် တော်လှန်ရေးတပ်ဖွဲ့များ၏ဒရုန်းအသုံးပြုတိုက်ခိုက်မှုများကို ဖော်ပြနေသည့်မှတ်တမ်းတစ်ခုဖြစ်သည်။အဆောက်အအုံအတွင်းအထိဝင်ရောက်နိုင်သည့် FPVဒရုန်းများကိုအသုံးပြုလာခြင်းက တိုက်ပွဲအတွင်းအကြမ်းဖက်စစ်ကောင်စီတပ်ဖွဲ့ဝင်များအတွက် ခြိမ်းခြောက်မှုတစ်ရပ်ဖြစ်လာနိုင်သည်။ စစ်မှုထမ်းဥပဒေဖြင့်လူငယ်များကိုစုဆောင်းပြီး စစ်မြေပြင်သို့ပို့ဆောင်နေသည့် အကြမ်းဖက်စစ်ကောင်စီအတွက်တိုက်ပွဲအတွင်း ဒရုန်းတိုက်ခိုက်မှုများကိုရင်ဆိုင်ရခြင်းသည် စစ်မြေပြင်အန္တရာယ်ကိုပိုမိုထင်ရှားစေသည့် အခြေအနေတစ်ခုလည်းဖြစ်သည်။ Video - Our Voice Our Freedom #FPV #ဒရုန်းစစ်ဆင်ရေး #OurVoiceOurFreedom #စစ်ကောင်စီ #Horizons

Horizons News ရဲ့ ည ၈ နာရီ သတင်းစဉ် (၁၂ အောက်တိုဘာလ ၂၀၂၆) ဒီကနေ့ ညပိုင်း တင်ဆက်ပေးမယ့် အရေးကြီး သတင်းခေါင်းစဉ်များ - •ဝက်လက် အနောက်ခြမ်း ကျေးရွာများကို စစ်ကောင်စီ လေကြောင်းမှ ၁၃ ကြိမ် တိုက်ခိုက်၍ အမျိုးသား ၃ ဦး သေဆုံး •စိတ်ဓာတ်ခိုင်မာမှုနှင့် ညီညွတ်မှုတို့သည် တိုက်ပွဲအောင်နိုင်ရေးအတွက် အဓိကကျကြောင်း PDF ပြော •GSCB နှင့် ဒေါက်တာတေဇာဆန်း အပါအဝင် မြန်မာ့ဒီမိုကရေစီရေး လှုပ်ရှားသူများ Forum 2000 နိုင်ငံတကာဆု ပူးတွဲရရှိ •ဆုရရှိမှုသည် မြန်မာပြည်သူ သန်း ၅၀ ကျော်၏ တော်လှန်စိတ်ဓာတ်ကို အသိအမှတ်ပြုခြင်းဖြစ်ဟု ဒေါက်တာတေဇာဆန်း ပြော •ဒေါ်ဇင်မာအောင် ဦးဆောင်သည့် မြန်မာလွှတ်တော် ကိုယ်စားလှယ်အဖွဲ့ IPU အထွေထွေညီလာခံ တက်ရောက် •Theatre 21 ဖျော်ဖြေပွဲတွင် လေလံပစ္စည်းများနှင့် အလှူငွေများမှ ဒေါ်လာ ၂၂,၀၀၀ ကျော် ရရှိ •ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများ လွတ်မြောက်ရေး မဲလ်ဘုန်းတွင် ဆန္ဒပြ •စစ်ခရိုနီ သိမ့်ဝင်းထက်အပေါ် ပိတ်ဆို့မှု ရုပ်သိမ်းခြင်းနှင့် ICC ကို ပိတ်ဆို့ခြင်းတို့ကို JFM ရှုတ်ချ •အောင်ပြည့်စုံ ဆိုလာတင်သွင်းမှုတွင် အခွင့်ထူးခံနေရချိန် ရန်ကုန်၌ ဆိုလာစနစ် မဖြစ်မနေ တပ်ဆင်ရန် ညွှန်ကြား •ပြည်တွင်း အထည်ချုပ်စက်ရုံ အနည်းဆုံး ၂၀ ရုံ ပိတ်သိမ်းရန်ရှိပြီး အလုပ်သမား သောင်းချီ အလုပ်လက်မဲ့ ဖြစ်လာနိုင် •မြန်မာ့သစ်ဝယ်ယူမှု တရုတ်ဘက်သို့ ပိုမိုရွေ့လျားပြီး အနောက်နိုင်ငံများ၏ ဝယ်ယူမှု ၉၈ ရာခိုင်နှုန်းကျော် ကျဆင်း •မိသားစုထံ ဘတ် ၆,၀၀၀ လွှဲထားသည့် အထောက်အထားနှင့် အခွန်ပြနိုင်မှ CI စာအုပ် ထုတ်ပေးမည်ဟု စစ်ကောင်စီ အလုပ်သမားဝန်ကြီး ပြော •ရန်ကုန်မြို့လယ်တွင် အပူဒဏ်ကြောင့် သက်ကြီးအမျိုးသားတစ်ဦး သေဆုံး •ရန်ကုန်တွင် အမျိုးသမီး ၂ ဦးသာရှိသည့် နေအိမ်ကို အမျိုးသားတစ်ဦး ဓားရှည်ကိုင်ကာ ဝင်ရောက်သောင်းကျန်း •အယ်လ်နီညို ဒီဇင်ဘာတွင် အမြင့်ဆုံး ရောက်နိုင်ပြီး အပူချိန်နှင့် မိုးရွာသွန်းမှုပုံစံ ပြောင်းလဲနိုင်ဟု WMO သတိပေး •ဂျဘူတီကမ်းလွန်တွင် လှေတိမ်းမှောက်မှုကြောင့် ရွှေ့ပြောင်းသွားလာသူ ၁၃၉ ဦး သေဆုံး •ရုရှားက ရက် ၆၀ ကြာ အပစ်ရပ်ပါက သမ္မတရွေးကောက်ပွဲ ကျင်းပမည်ဟု ဇီလန်စကီး ပြော •ထိုင်ဝမ်နှင့် ဆက်ဆံရေးကြောင့် ပါရာဂွေးနှင့် ဘီလစ်ဇ် ဝန်ကြီးများကို တရုတ် ဒဏ်ခတ်ပိတ်ဆို့ •နီပေါတွင် ထပ်မံမြေပြိုမှုကြောင့် ရွှံ့ရေစီးဆင်းပြီး လူ ၅ ဦး ပျောက်ဆုံးကာ နေအိမ်နှင့် တံတားများ ပျက်စီး •မီးခိုးမြူကြောင့် မလေးရှား ဂျိုဟိုးပြည်နယ်ရှိ ကျောင်းပေါင်း ၁,၁၉၈ ကျောင်းကို ထပ်မံပိတ်ထား သတင်းကြေညာသူ - နော်မူးထာ သတင်းအပြည့်အစုံကို ဗီဒီယိုတွင် ဝင်ရောက်ကြည့်ရှုနိုင်ပါတယ်။ ဒီဗီဒီယိုလေးကို Like & Share လုပ်ပြီး အများသိအောင် ကူညီပေးကြပါဦးရှင်။ နေ့စဉ် ထူးခြားတဲ့ သတင်းအချက်အလက်တွေအတွက် Horizons News Page ကို Follow လုပ်ထားပေးဖို့ ဖိတ်ခေါ်ပါတယ်။ #HorizonsNews #ည၈နာရီသတင်း #MyanmarNews #NewsUpdate #Horizons

ဆုရရှိမှုသည် မြန်မာပြည်သူ သန်း (၅၀) ကျော်၏ တော်လှန်စိတ်ဓာတ်ကို အသိအမှတ်ပြုခြင်းဖြစ်ဟု ကိုတေဇာစန်း ပြော အောက်တိုဘာ ၁၂၊ Horizons Forum 2000 Foundationက ကိုတေဇာစန်း၊ကိုနန်းလင်း၊ကိုထက်မြက်အောင်နှင့်အထွေထွေသပိတ်ပေါင်းစပ်ညှိနှိုင်းရေးအင်အားစု(GSCB)တို့ကိုချီးမြှင့်ခဲ့သည့် “Award for Courage and Responsibility”ဆုသည် မြန်မာပြည်သူသန်း(၅၀)ကျော်၏စစ်အာဏာရှင်စနစ်အပေါ် ခုခံတွန်းလှန်နေသည့် စိတ်ဓာတ်၊ရဲစွမ်းသတ္တိနှင့်တော်လှန်ရေးဂုဏ်ကိုအသိအမှတ်ပြုခြင်းဖြစ်ကြောင်း ကိုတေဇာစန်းကပြောကြားသည်။ အဆိုပါသတင်းစကားကိုကိုတေဇာစန်းက ဆုပေးပွဲအခမ်းအနားသို့ပေးပို့ခဲ့ခြင်းဖြစ်ပြီး ယနေ့အောက်တိုဘာ(၁၂)ရက်တွင်အထွေထွေသပိတ်ပေါင်းစပ်ညှိနှိုင်းရေးအင်အားစု(GSCB)၏ လူမှုကွန်ရက်စာမျက်နှာမှတစ်ဆင့်ဖော်ပြခဲ့သည်။ ကိုတေဇာစန်းကမြန်မာပြည်သူများသည် အလွန်အမင်းရက်စက်ကြမ်းကြုတ်သည့် စစ်အာဏာရှင်စနစ်ကိုခုခံတွန်းလှန်တိုက်ပွဲဝင်နေကြပြီး ယင်းတော်လှန်ရေးတွင်ပေးဆပ်ရမှုနှင့်ထိခိုက်နစ်နာမှုများ များပြားလာသည်ကိုပြည်သူများ ကိုယ်တိုင်ကြုံတွေ့နေရကြောင်းပြောသည်။ ထို့အပြင်စစ်အာဏာရှင်စနစ်ကိုမတွန်းလှန်ဘဲခေါင်းငုံ့ခံခဲ့ပါက ဖြစ်ပေါ်လာမည့်နောက်ဆက်တွဲဆိုးကျိုးများသည် လက်ရှိတော်လှန်ရေးတွင်ပေးဆပ်နေရသည့်အရင်းအနှီးများထက်ပိုမိုကြီးမားနိုင်သဖြင့် ပြည်သူများကခုခံတွန်းလှန်တိုက်ပွဲဝင်နေကြခြင်းဖြစ်ကြောင်း ၎င်းကရှင်းပြသည်။ တော်လှန်ရေးတွင်လူထုလှုပ်ရှားမှုနှင့် လူထုတိုက်ပွဲ(Civil Resistance)၏အခန်းကဏ္ဍသည် အရေးကြီးပြီး ထိရောက်သည့်စွမ်းအားရှိကြောင်းလည်း ကိုတေဇာစန်းကပြောကြားခဲ့သည်။ယင်းလှုပ်ရှားမှုတွင် အသက်အရွယ်၊ကျားမနှင့်နေရာဒေသမရွေးပြည်သူတစ်ဦးချင်းစီပါဝင်နိုင်ကြောင်း ၎င်းကထည့်သွင်းပြောဆိုသည်။ စစ်အာဏာရှင်စနစ်သည် တစ်ဦးတစ်ယောက်တည်းဖြင့်ရပ်တည်နေခြင်းမဟုတ်ဘဲ ၎င်းကိုသက်ဆိုးရှည်စေရန်ထောက်ပံ့ပေးနေသည့် အာဏာရှင်စနစ်၏ထောက်တိုင်များရှိကြောင်း၊ယင်းထောက်တိုင်တစ်ခုချင်းစီကိုဖြိုချနိုင်ရန် ပြည်သူတစ်ဦးချင်းစီ၏ပါဝင်မှုနှင့် စုပေါင်းစွမ်းအားလိုအပ်ကြောင်းလည်း ၎င်းကပြောသည်။ ထို့ကြောင့်ပြည်သူလူထု၏စွမ်းအားဖြစ်သည့် လူထုလှုပ်ရှားမှုနှင့်လူထုတိုက်ပွဲများမှတစ်ဆင့် စစ်အာဏာရှင်စနစ်ကိုအပြီးတိုင်ဖြိုချပြီး ခေတ်သစ်စနစ်သစ်တစ်ခုတည်ဆောက်ကြရန် ကိုတေဇာစန်းကတိုက်တွန်းခဲ့ကာ “အရေးတော်ပုံ အောင်ရမည်”ဟု သတင်းစကားကိုအဆုံးသတ်ခဲ့သည်။ Video - GSCB #ကိုတေဇာစန်း #GSCB #Forum2000 #စစ်အာဏာရှင်ဆန့်ကျင်ရေး #တော်လှန်ရေး #Horizons

မန္တလေးမှတက်လာသည့်အကြမ်းဖက်စစ်ကောင်စီယာဉ်တန်း ကသာမြို့သို့ရောက်ရှိ ကသာ ၊ အောက်တိုဘာ ၁၂ ၊ Horizons မန္တလေးမြို့မှတက်လာသည့်အကြမ်းဖက်စစ်ကောင်စီယာဉ်တန်းသည် ကသာမြို့သို့ရောက်ရှိလာပြီဖြစ်ကြောင်းဒေသခံစစ်ရေးသတင်းရင်းမြစ်များက Horizons Newsသို့ယမန်နေ့အောက်တိုဘာ(၁၁)ရက်ညနေပိုင်းတွင်ပြောသည်။ အောက်တိုဘာ(၁၀)ရက်ကမန္တလေးမြို့မှထွက်ခွာလာသည့်(၁၂)ဘီးကား(၅၉)စီး၊ကားသေး(၈)စီး၊ကရိန်းကား(၁)စီးနှင့်ပွိုင့်ဖိုက်ပါကား(၅)စီးပါအကြမ်းဖက်စစ်ကောင်စီယာဉ်တန်းသည် ယမန်နေ့နံနက်ပိုင်းတွင်ကသာမြို့သို့ရောက်ရှိလာခြင်းဖြစ်သည်။ အမည်မဖော်လိုသည့်စစ်ရေးသတင်းရင်းမြစ်က “ဒီနေ့တော့တစ်နေ့ကုန်ပဲတိုက်ပွဲဖြစ်တာ။ဒရုန်းနဲ့တိုက်တာကား(၂)စီးပျက်စီးသွားတယ်။အဲဒီ(၂)စီးကိုဆက်သယ်သွားတယ်”ဟု Horizons Newsသို့ပြောသည်။ ကသာခရိုင်အမှတ်(၁)တပ်ရင်းက ကသာ-ထီးချိုင့်လမ်းပိုင်းကိုအောက်တိုဘာ(၁၀)ရက်မှစတင်၍ခရီးသွားပြည်သူများအနေဖြင့် ထိခိုက်နစ်နာမှုမရှိစေရေးအတွက် အကြမ်းဖက်စစ်ကောင်စီယာဉ်တန်းနှင့် ကပ်မလိုက်ကြရန်တိုက်တွန်းထားသည်။ အဆိုပါအကြမ်းဖက်စစ်ကောင်စီယာဉ်တန်းသည် မြစ်ကြီးနားမြို့သို့ဆက်လက်ဦးတည်သွားနိုင်ကြောင်း စစ်ရေးသတင်းရင်းမြစ်ကပြောသည်။ Video - ပေးပို့ #စစ်ကိုင်းတိုင်း #ကသာ #စစ်ကောင်စီယာဉ်တန်း #PDF #Horizons

ရန်ကုန်တွင်အမျိုးသမီး(၂)ဦးသာရှိသည့်နေအိမ်ကို အမျိုးသားတစ်ဦးဓားရှည်ကိုင်ကာဝင်ရောက်သောင်းကျန်း ရန်ကုန် ၊ အောက်တိုဘာ ၁၂ ၊ Horizons ရန်ကုန်မြို့တွင်အမျိုးသမီး(၂)ဦးသာရှိနေသည့်နေအိမ်တစ်အိမ်သို့ အမျိုးသားတစ်ဦးကဓားရှည်ကိုင်ဆောင်ကာဝင်ရောက်ရန်ကြိုးပမ်းပြီး ခြိမ်းခြောက်သောင်းကျန်းခဲ့သည့်ဖြစ်စဉ်တစ်ခုလူမှုကွန်ရက်ပေါ်တွင်ပျံ့နှံ့နေသည်။ အဆိုပါဖြစ်စဉ်တွင် နေအိမ်အတွင်းရှိအမျိုးသမီး(၂)ဦးက ပတ်ဝန်းကျင်ကိုအော်ဟစ်အကူအညီတောင်းခံခဲ့သော်လည်း ဓားကိုင်ဆောင်ထားသူထွက်ခွာသွားသည့်အထိ လာရောက်ကူညီသူမရှိခဲ့ကြောင်းဖော်ပြထားသည်။ လူမှုကွန်ရက်တွင်ပျံ့နှံ့နေသည့် ရုပ်သံဖိုင်၌ ဓားရှည်ကိုင်ဆောင်ထားသည့်အမျိုးသားတစ်ဦးက နေအိမ်အတွင်းသို့အတင်းဝင်ရောက်ရန်ကြိုးပမ်းပြီး ခြိမ်းခြောက်သောင်းကျန်းနေသည်ကိုတွေ့ရသည်။အိမ်အတွင်းရှိအမျိုးသမီးများကလည်း အန္တရာယ်ကြားမှအော်ဟစ်အကူအညီတောင်းခံနေသည်ကို မြင်တွေ့ရသည်။ ယင်းဖြစ်စဉ်သည် အိမ်အတွင်းအမျိုးသမီးများသာရှိနေချိန်တွင် အကြမ်းဖက်ခြိမ်းခြောက်မှုများကြုံတွေ့လာပါက ၎င်းတို့၏လုံခြုံရေးအတွက်အကူအညီရရှိနိုင်မှုနှင့် ပတ်ဝန်းကျင်၏တုံ့ပြန်မှုအရေးကြီးကြောင်းကိုလည်းမီးမောင်းထိုးပြနေသည်။ အာဏာသိမ်းပြီးနောက်ပိုင်း ရန်ကုန်နှင့်မန္တလေးအပါအဝင်မြို့ကြီးများတွင် လုံခြုံရေးနှင့်တရားဥပဒေစိုးမိုးရေးအခြေအနေများအပေါ် စိုးရိမ်မှုများရှိနေပြီး ခြိမ်းခြောက်မှု၊လုယက်မှုနှင့် အခြားရာဇဝတ်မှုများနှင့်ပတ်သက်သည့်ဖြစ်စဉ်များလည်း လူမှုကွန်ရက်များတွင်ပျံ့နှံ့လျက်ရှိသည်။ #ရန်ကုန် #လုံခြုံရေး #ရာဇဝတ်မှု #Horizons

Horizons News ရဲ့ ည ၈ နာရီ သတင်းစဉ် (၁၁ အောက်တိုဘာလ ၂၀၂၆) ဒီကနေ့ ညပိုင်း တင်ဆက်ပေးမယ့် အရေးကြီး သတင်းခေါင်းစဉ်များ - •ပေါက်တော ဆင်အိုင်ကျေးရွာကို စစ်တပ်က လေကြောင်းမှ ဗုံးကြဲ၍ ကလေးငယ်တစ်ဦး အပါအဝင် ပြည်သူ ၇ ဦး သေဆုံး •သံဖြူဇရပ် ရဲတံခွန်ကျေးရွာမှ စစ်ကောင်စီ တိုက်ကင်းစစ်ကြောင်းကို တော်လှန်ရေးတပ်များ ခြုံခိုတိုက်ခိုက် •ရေးမြို့နယ်၌ စစ်ကြောင်းထိုးလာသည့် စစ်ကောင်စီတပ် ကြားဖြတ်တိုက်ခိုက်ခံရပြီး ၃ ဦး သေဆုံးကာ ၆ ဦး ဒဏ်ရာရ •ကျင်ဒွေးမြို့သို့ ဝင်ရောက်ရန် စစ်တပ်က လေကြောင်းနှင့် လက်နက်ကြီးပစ်ကူယူကာ အင်အားအလုံးအရင်းဖြင့် ထိုးစစ်ဆင်နေ •အင်းတော် နတ်ရေတွင်းရွာကို စစ်တပ်က ဒရုန်းဖြင့် ဗုံးကြဲ၍ အသက် ၁၀ နှစ်အရွယ် ကလေးငယ်တစ်ဦး သေဆုံး •မြိုင်နှင့် ပေါက်မြို့နယ်အစပ်ကို စစ်တပ်က လေကြောင်းမှ ဗုံးကြဲတိုက်ခိုက်၍ အရပ်သားတစ်ဦး သေဆုံး •ထောင်ဒဏ်ရက်စေ့ လွတ်မြောက်ပြီးမှ စစ်အုပ်စု၏ ပြန်လည်ဖမ်းဆီးခြင်းခံရသည့် နိုင်ငံရေးအကျဉ်းသား ၃၅ ဦးအထိ ရှိလာဟု PPNM ထုတ်ပြန် •တက္ကသိုလ်ကျောင်းသားများ မဲပေါက်ပါက ပညာရေး ၂ နှစ် ရပ်နား၍ မဖြစ်မနေ စစ်မှုထမ်းရမည်ဟု ညွှန်ကြား •နယူးယောက်တွင် ဒေါ်အောင်ဆန်းစုကြည် လွတ်မြောက်ရေး သစ်ပင် ၈၂ ပင် စိုက်ပျိုးပွဲသို့ သံအမတ်ကြီး ဦးကျော်မိုးထွန်း တက်ရောက် •ရန်ကုန်တွင် ခွင့်ပြုချက်မဲ့ ကန်ထရိုက်တိုက် ၂,၇၈၂ ခုကို အရေးယူထားပြီး ဒဏ်ငွေနှင့် ထောင်ဒဏ်များ ချမှတ်မည်ဟုဆို •နမ္မတူနှင့် မန်တုံမြို့တွင် တအာင်းပြည် မြို့နယ်ရဲတပ်ဖွဲ့က မူးယစ်ဆေးဝါး ရောင်းဝယ်သူနှင့် လက်ဝယ်ထားရှိသူတို့ကို ဖမ်းဆီး •တရုတ်နိုင်ငံသား ၃ ဦးကို လှည့်စားခေါ်ဆောင်ကာ မြန်မာဘက်သို့ ပို့ဆောင်ရန် ကြံစည်သည့် လူကုန်ကူးဂိုဏ်းဝင်တစ်ဦး ထိုင်းတွင် ဖမ်းမိ •အမေရိကန် ပင်ဆီဗေးလ်နီးယားတွင် သေနတ်ပစ်ခတ်မှု ဖြစ်ပွားရာ သံသယရှိသူ အပါအဝင် ၉ ဦး သေဆုံး •အမေရိကန်တောင်ပိုင်းတွင် ဟာရီကိန်းမုန်တိုင်း အီဆာယက်စ် တိုက်ခတ်မှုကြောင့် ၄ ဦး သေဆုံးပြီး ဓာတ်အားများ ပြတ်တောက် •ယခုနှစ် နိုဘယ်ငြိမ်းချမ်းရေးဆုရှင် နာဗီပီလေးကို မသိကြောင်း ဒေါ်နယ်ထရမ့် ပြော •နီပေါတွင် ရေကြီးရေလျှံမှုကြောင့် နေအိမ် ၃၅ လုံးကျော်နှင့် တံတားများ မျောပါ စတဲ့ ပြည်တွင်း၊ တော်လှန်ရေး၊ မှုခင်းနဲ့ နိုင်ငံတကာ သတင်းများကို အပြည့်အစုံ တင်ဆက်ထားပါတယ်။ သတင်းကြေညာသူ - နော်မူးထာ သတင်းအပြည့်အစုံကို ဗီဒီယိုတွင် ဝင်ရောက်ကြည့်ရှုနိုင်ပါတယ်။ ဒီဗီဒီယိုလေးကို Like & Share လုပ်ပြီး အများသိအောင် ကူညီပေးကြပါဦးရှင်။ နေ့စဉ် ထူးခြားတဲ့ သတင်းအချက်အလက်တွေအတွက် Horizons News Page ကို Follow လုပ်ထားပေးဖို့ ဖိတ်ခေါ်ပါတယ်။ #HorizonsNews #ည၈နာရီသတင်း #MyanmarNews #NewsUpdate #Horizons